Ուղևորություն դեպի մթնշաղ/ Viaggio nel crepuscolo

Ուղևորություն դեպի մթնշաղ/ Viaggio nel crepuscolo
Ֆրանսիա/Իտալիա, 2021, 142’
Իտալերեն, ֆրանսերեն, գերմաներեն, անգլերեն՝ հայ․/անգլ. Ենթագրերով
 

Ռեժիսոր և սցենարի հեղինակ՝ Աուգուստո Կոնտենտո
Պրոդյուսեր՝ Ջանկառլո Գրանդե
Անիմատոր՝ Մարկո Բելի
Կոմպոզիտորներ՝ Պաոլո Կանտու, Մարկ Սթյուարտ, Լետիցիա Սադյե
Հնչյունավորողներ՝ Ստեֆանո Անյինի, Դանիել Չեվասկո
Արտադրող ընկերություն՝ Cineparallax

«Ուղևորություն դեպի մթնշաղ»-ը որսում է այն ճանապարհները, որոնք տանում են դեպի Իտալիայի անկման սառը խավարը՝ ընտանիքի, հայրիշխանական հասարակության, դպրոցական համակարգի, կրոնի: Սա մի երկիր է, որտեղ համայնքային, հասարակական, ընդհանուր տարածության ինտերիերը կազմված է անգույն, ամորֆ էգոիզմից, որտեղ նույնիսկ հեղափոխական, սոցիալիստական, կոմունիստական ​​իդեալները՝ խառնված մանիքեյական կաթոլիկության հետ, վերածվել են ֆիդեիստական, տոտալիտար դոգմաների: Ներածական տիտրերից սկսած անիմացիան արտահայտում է վայրերի համադրություն՝ ուրվական, խստաշունչ, անկումային, էլեգանտ և խարխուլ:

Շարունակաբար միախառնելով խաղարկայինը ​​և վավերագրականը՝ ֆիլմի կառուցվածքը կարողանում է արմատապես վերակերտել պատմողական ձևերը:

«Ուղևորություն դեպի մթնշաղ»-ի  հիմքում «քվանտային» մոնտաժն է: Ռեժիսորը դիմում է բազմաթիվ գրելաոճերի և կինեմատոգրաֆիկ ժանրերի, ասես դրանք զուգահեռ տիեզերքներ լինեն, որոնք հայելու պես արտացոլվում, բազմապատկվում և բաժանվում են միմյանց մեջ՝ որոշելով ֆիլմի տարածաժամանակային ձևը, ռիթմը և բովանդակությունը։ Ֆիլմի բուն նպատակն իտալական և միջազգային հիմնախնդիրների մասին խոսելն է անսովոր տեսանկյուններից։

Աուգուստո Կոնտենտո

1973 թվականին Իտալիայում ծնված Աուգուստո Կոնտենտոն 2000 թվականից ապրում և աշխատում է Փարիզում: 2004 թվականին Ջանկառլո Գրանդեի հետ հիմնադրել են Cineparallax ընկերությունը, որն արտադրում է իր ֆիլմերը: Նա նկարահանել է չորս բրազիլական ֆիլմ։ «Ônibus»-ն (2007) արժանացել է Գլխավոր մրցանակին «Bellaria» կինոփառատոնում; «Tramas»-ի (2008) պրեմիերան տեղի է ունեցել Լոկառնոյում, և ֆիլմն արժանացավ Իլ դե Ֆրանս շրջանի մրցանակին; «Թափանցիկ ճանապարհներ»-ը (2008) ներկայացվել է Լոկառնոյում; «Ջրի ճանապարհները» (2009) բացել է Հռոմի կինոփառատոնը: Չիկագոյում նկարահանվել է երկու ֆիլմ՝ «Խեղաթյուրված ձայները» (2012), որը Տուրինի կինոփառատոնի UCCA մրցանակի դափնեկիրն է, և «Ստվերագրամը» (2017), որի պրեմիերան տեղի է ունեցել Մոնրեալի «Nouveau Cinéma»-ում և որն արժանացել RAI Cinema մրցանակին «Visioni dal Mondo» փառատոնում՝ Միլանում։ «Կարմիր մոխիրը» (2013), որը նկարահանվել է Ստրոմբոլիում, ներկայացվել է Լոկառնոյում։

Ֆիլմոգրաֆիա

Ônibus (կարճամետրաժ, 2007), Tramas (2008), Թափանցիկ ճանապարհներ (2008), Ջրի ճանապարհները (2009), Խեղաթյուրված հնչյուններ (2012), Ուրվական նավի օրագիրը (2012), Կարմիր մոխիր (համառեժիսոր, 2013), Ստվերագրամ (2017), Ուղևորություն դեպի մթնշաղ (2021)։