Բաց դռներ

Արմեն Գասպարյան

Ծնվել է 1970թ.-ին՝ Լենինականում (Գյումրիում): 1980-1984 թթ. սովորել է Լենինականի Ս. Մերկուրովի անվան գեղարվեստի դպրոցում: 1987-ին կինոմեխանիկի օգնական է եղել, իսկ 1988-ին կինոմեխանիկի աշխատանքի անցել Լենինականի «Հոկտեմբեր» կինոթատրոնում: 1989-ին հրշեջ է աշխատել Լենինականի Վ. Աճեմյանի անվ. պետական դրամատիկական թատրոնում: 1991-ին «Կումայրի-Փյունիկ» կինոստուդիայում մասնակցել է Ա. Մկրտչյանի կինոռեժիսուրայի վարպետության դասընթացին: 1993-ին տեղափոխվել է Մոսկվա և կինոդրամատուրգիա ուսանել ՎԳԻԿ-ում (Վ. Չեռնիխի արվեստանոց): 1995-1998 թթ. Գյումրիում գործել է նրա ստեղծած «A-Art» կինոստուդիան` թողարկելով չորս վավերագրական ֆիլմ: Դրանցից «Խավարման վկաները» 1999-ին Վերոնայի «Սան Ջիո» ՄԿՓ-ում արժանացել է Քննադատների հատուկ մրցանակին: 2000-2008թթ. ապրել է Կալինինգրադում, որտեղ նկարահանել է չորս վավերագրական ֆիլմ: Դրանցից «Ռեստավրատորների քրոնիկները» 2001-ին հատուկ մրցանակ է ստացել «Դեբյուտ-Կինոտավր» փառատոնում: 2009-ից կրկին ապրում է Հայաստանում, որտեղ իրականացնում է պրոդյուսերական և ռեժիսորական գործունեություն: Կալինինգրադում ապրած տարիներին ոգեշնչվել և հետո գրել է «Վերջին նոյեմբերը» խաղարկային ֆիլմի սցենարը Մեծ Հայրենական պատերազմի տարիներին Կալինինգրադի (Քյոնիգսբերգի) գերմանական բնակչության տեղահանման մասին: Սցենարով հետաքրքրվեցին թե՛ եվրոպական, թե՛ ռուսական կինոընկերություններ, և այժմ նախագիծը պետք է մտնի արտադրական ֆուլ:

Ֆիլմացանկ

2015 – «Սպիտակ օր»
2015 – «Բաց դռներ»
2014 – «Գողացված մանկություն»
2011 – «Հայկական հացը»
2008 – «Եղբայրս եպիսկոպոս է»
2002 – «Ռուսական անունը»
2001 – «Սուրբծննդյան տարածք»
2001 – «Ռեստավրատորների քրոնիկներ»
1998 – «Խավարման վկաները»
1996 – «Ալեքսանդրապոլի ճգնավորները»
1995 – «Պատարագ»
1995 – «Աստվածաշնչով ինքնադիմանկար»