Ֆաբեր նավալիս

Մաուրիցիո Բորելո

1974թ.-ին իտալական Նեապոլ քաղաքում ծնված Մաուրիցիո Բորելոն նավագործ է, կինոռեժիսոր և մշակութային մարդաբան: Մասնագիտանալով ասիական և աֆրիկյան լեզուներում՝ նա տեղափոխվեց Ինդոնեզիա, որտեղ դասավանդում էր Ջակարտայի համալսարանում: Այդ տարիներին՝ վիզուալ մարդաբանական հետազոտության արդյունքում, ստեղծվեց նրա «Ինդոնեզիական կինո» վավերագրությունը:
2004թ.-ի ցունամիից հետո նա կամավոր էր՝ վերականգնելով աղետի պատճառով ավերված ձկնորսական նավերը: Այդ պահից ի վեր՝ նա հետաքրքրվեց մերձափնյա համայնքների, նավագործության և գիտելիքների փոխանցման ուսումնասիրությամբ, և բազում ժամեր է անցկացրել ցունամիից ազդված երկրների, սկանդինավյան և միջերկրական նավաշինարաններում՝ որպես նավագործի աշակերտ:
Այժմ արդեն 4 տարի է, ինչ Մաուրիցիոն աշխատում է Նորվեգիայի ծովային թանգարանում՝ որպես փայտե նավերի վերականգնիչ: Նա նաև մշակում է ավանդական նավագործության բարելավմանն ուղղված հարմար և ճկուն մի համակարգ՝ հավատալով, որ ջրային փոխադրամիջոցների զարգացումը կարող է որոշիչ դեր խաղալ աշխարհում աղքատության և մեկուսացվածության վերացման գործում:

Ֆիլմոգրաֆիա

Ինդոնեզիական կինո, 2004
Ֆաբեր նավալիս, 2016