Ժան Ռուշ. արկածախնդիր ռեժիսորը

Լորան Վեդրին

1976թ.-ին Փարիզում ծնված Լորան Վեդրինը ֆրանսիացի կինոգործիչ է, ռադիո պրոդյուսեր և կրքոտ մեղվապահ: Ի սկզբանե իրավագիտություն, պատմություն և մարդաբանություն է ուսանել, ինչից հետո ընդունվել է Լիլի Լրագրության բարձրագույն դպրոց: Որպես լրագրող՝ համագործակցել է զանազան շաբաթաթերթերի հետ, եղել է արվեստի քննադատ և պատկերազարդող: 2005թ.-ից ի վեր փաստագրական ֆիլմեր է նկարում հեռուստատեսության և մեծ էկրանի համար: Նրա ֆիլմերի մեծ մասը ոգեշնչված են մարդաբանական և քաղաքական հարցերով, որոնց նա բախվում է Աֆրիկայում: Որպես ռադիոմասնագետ՝ Վեդրինը վավերագրություններ և փորձառական պատմություններ է արտադրում՝ հիմանականում Ֆրանսիական ռադիոյի համար: Վեդրինն անվանի ֆրանսիացի կինոռեժիսոր և մարդաբան Ժան Ռուշի հիմնած Ազգագրական կինոյի կոմիտեի ակտիվ անդամ է, ինչպես նաև անդամակցում է Ֆրանսիայի աֆրիկանիստների կազմակերպությանը: Վեդրինը նաև բնապահպանական ակտիվիստ է և «Դարդարդ» քաղաքային մեղվապահների ասոցիացիայի հիմնադիր:

Ֆիլմոգրաֆիա
Աքսումի կոթողը, 2006
Կինշասա-պեկինյան պատմություն, 2008
Ճաշ՝ խոտի տակ, 2011
Հեծանվային թագուհին, 2013
Ժան Ռուշ. արկածախնդիր ռեժիսորը, 2017