Դառնության ավարտը

«Դառնության ավարտը» ուսումնասիրում է մուրացկանության երևույթն ու այն, թե ինչ դիրք են զբաղեցնում մուրացողներն արագորեն փոփոխվող չինական հասարակության մեջ: Ֆիլմում կա երեք հերոս: Առաջինը կոլխոզի նախկին պետն է, ով մուրացկան դարձավ, երբ պարզապես հոգնեց տեղական քաղաքականությունից: Երկրորդը թոշակի անցած հողագործ կինն է, ով մուրում է, որպեսզի թոռան դպրոցի համար փող հավաքի: Իսկ երրորդը միջին տարիքի տղամարդն է, ով մուրալ է սկսել այն բանից հետո, երբ երկրաշարժը քանդեց իր ընտանեկան տունը: Այս երեք դիմանկարների շնորհիվ ծանոթանում ենք մուրացկանների ամենօրյա կյանքին թե՛ այն քաղաքներում, որտեղ աշխատում են, թե՛ գյուղական համայնքներում, որոնք իրենք տուն են կոչում: