Տների և տիեզերքի շուրջ

Կոշտանա Բանովիչ

Ծնվել է Սարաևոյում` նախկին Հարավսլավիայում: Ուսանել է Ուտրեխտի Արվեստների դպրոցի կերպարվեստի և դիզայնի ֆակուլտետում (Նիդերլանդներ), որտեղ այժմ դասավանդում է: Կոշտանան եղել է աշխարհի տարբեր ծայրերում, ծանոթացել է տարատեսակ մշակույթներին: Աշխատել է Կուբայում, Սենեգալում, Անգոլայում, Բրազիլիայում և Կարիբյան երկրներում, որտեղ վիդեո-արտ նախագծեր է մշակել տեղացիների հետ: Իր բոլոր գործերի՝ նկարչության, պերֆորմանսների, ֆիլմերի մեջ նա երբեք չի վախեցել մասնակցել ծեսերին՝ որպես «ես»-ի և իրեն հանդիպած զանազան մշակույթներում մարմնավորված «այլ»-ի միջև եղած հեռավորությունը կրճատելու միջոց: Նրա ճամփորդությունները ցույց են տվել, որ «այլ»-ը պետք է որոնել ներքինում, քանի որ այն «ես»-ի մտահոգիչ, բայց անքակտելի մասն է: Ծեսերին մասնակցելն ու դրանք հետազոտելը որպես ինքդ քեզ և ուրիշներին ճանաչելու միջոց Բանովիչի արվեստի առանցքային տարրերից է: Նրա գործերն շոշափում են արդի վիզուալ մարդաբանության, կինովավերագրության և կերպարվեստի սահմանները:

Ֆիլմոգրաֆիա

Երազների որսորդները, 2000
Na Tragu, 2001
Սեյ. սիրո տնտեսությունը, 2007
Մակերեսները, 2008
Oxum, 2009
Կարո՞ղ եմ մտնել, 2010
Exu, 2011
Roos, 2011
Մեռած, թե ողջ, 2011
Աստված իմ, 2012 (14-ալիքանի ինստալյացիա)
Տների և տիեզերքի շուրջ, 2016