Ութ պատկեր Նաստյա Սոկոլովայի կյանքից

Ալինա Կոտովա

1993թ.-ին Ռուսաստանում ծնված Ալինա Կոտովան տեղափոխվել է Վանկուվեր, հետո Սան Դիեգո, ապա վերադարձել է Ռուսաստան: Նա ուսանել է Ռոդչենկոյի արվեստի դպրոցում, ապա Ռուսաստանի թատերական արվեստի համալսարանում (2012-2016): Նաև թատերական քննադատ է եղել: «Ութ պատկեր Նաստյա Սոկոլովայի կյանքից» կարճ վավերագրությունը Կոտովայի առաջին ֆիլմն է, որը նա համահեղինակել է Վլադլենա Սանդուի հետ:

Ֆիլմոգրաֆիա
Ութ պատկեր Նաստյա Սոկոլովայի կյանքից, 2017

Վլադլենա Սանդու

Ղրիմում ծնված Վլադլենա Սանդուն ուսանել է Մոսվկայում Ռոդչենկոյի արվեստի դպրոցում, ապա ընդունվել է Կինեմատոգրաֆիայի համառուսական պետական ինստիտուտի (ՎԳԻԿ) ռեժիսուրայի ֆակուլտետը: Նրա առաջին ուսանողական կարճ խաղարկային «Կիռա» ֆիլմը 2015թ.-ին արժանացել է «Կինոտավր» կինոփառատոնի «Ժյուրիի ընտրություն», ինչպես նաև ՎԳԻԿԻ միջազգային կինոփառատոնի լավագույն ռեժիսուրայի և օպերատրության համար մրցանակներին: Սանդուի ավարտական ֆիլմը՝ «Սուրբ Աստվածը», ևս բազմաթիվ միջազգային պարգևներ է ստացել՝ այդ թվում նաև «Ծիրանի ծառ» ՄԿՓ 2016-ի Գլխավոր մրցանակը: Այն ընդգրկվել է DOK Leipzig 2016, ինչպես նաև Ռոտերդամի միջազգային կինոփառատոնի ծրագրերում: «Ութ պատկեր Նաստյա Սոկոլովայի կյանքից» ֆիլմը նրա առաջին աշխատանքն է Ալինա Կոտովայի հետ:

Ֆիլմոգրաֆիա
Դիյան, 2012
Օռլովները, 2014
Կիռա, 2015 (խաղ. կարճ.)
Սուրբ Աստված, 2016
Ութ պատկեր Նաստյա Սոկոլովայի կյանքից, 2017 (համառեժիսոր)