Երեխաների մաշկի վրա

Ադրիանո Զեքա

1945թ.-ին Միլանում ծնված լուսանկարիչ, լրագրող և կինովավերագրող Ադրիանո Զեքան իր կյանքից 40 տարի նվիրել է աշխարհի զանազան մշակույթների ուսումնասիրմանը: Նա ճամփորդել և երկար ժամանակ ապրել է բազմաթիվ ոչ եվրոպական երկրներում՝ Ասիայից մինչև Հեռավոր Արևելք, Աֆրիկայից մինչև Լատինական Ամերիկա: Որպես կինովավերագրող՝ RAI, Mediaset և TSI հեռուստաալիքների համար մշակել և ստեղծել է սոցիալական և մարդաբանական մեծ հետաքրքրություն ներկայացնող ավելի քան 100 վավերագրական ֆիլմ: Նրա վաղ՝ «Բոլիվիա ’70» և «Կեցցե՛ Պեռուն» կինոնկարները տարիներով տարածվել են կարևորագույն մշակութային կազմակերպությունների կողմից՝ ոչ միայն Իտալիայում, այլև Լատինական Ամերիկայում: Վերջին 15 տարվա ընթացքում՝ շվեյցարական հեռուստատեսության հետ համատեղ, իրականացրել է մի շարք կինոնախագծեր, որոնք արժանացել են միջազգային պարգևների: Աշխարհի տարբեր ծայրերում մանկական աշխատուժի վերաբերյալ հեռուստաշարքը՝ բաղկացած 14 ֆիլմից, անշուշտ, Զեքայի ամենակարևոր աշխատանքն է:

Ընտիր Ֆիլմոգրաֆիա

Բոլիվիա ’70, 1970
Կեցցե՛ Պեռուն, 1974
Անհայտ Ինդոնեզիա, 1978 (շարք՝ 2 ֆիլմ)
Հայիթյան վուդու, 1982
Նոր Գվինեա. ճամփորդություն դեպի նախապատմություն, 1986
Ամազոնիա, 1987/89 (շարք՝ 7 ֆիլմ)
Բոռնեո. ծիծեռնակի բույներ որոնողները, 1990
Ինդոնեզիա, 1991/92 (շարք՝ 4 ֆիլմ)
Վիետնամ, 1991/92 (շարք՝ 4 ֆիլմ)
Լաոս. լեռնային ժողովուրդները, 1996
Մոնղոլիա. տափաստանների ժողովուրդը, 1999
Կյանքը կենդանիների հետ, 1999/2002 (շարք՝ 10 ֆիլմ)
Երեխաների մաշկի վրա, 2002/04 (շարք՝ 13 ֆիլմ)
Կոտրված կյանքեր, 2006
Գաղթականներ. հույսի ճամփորդությունը, 2009
Բանտարկված մանկություն, 2011
Չիչիգալպա, 2013
Երեխաների մաշկի վրա, 2017 (կարճ. վավ.)